जिप दुर्घटनामा परी पाल्पामा तीन जनाको मृत्यु
पाल्पा । पाल्पामा जंगलमा लागेको डढेलो निभाउन गएको जिप दुर्घटना हुँदा तीन् जनाको मृत्यु भएको छ भने दुई जना घाइते भएका छन् ।
आइतबार राति पाल्पाको सिद्देश्वरमा जिप दुर्घटना हुँदा तीन जनाको मृत्यु भएको हो । रैनादेवी छहरा गाउँपालिका–१ सिद्देश्वरको असारेस्थित सल्लेरी पाखापानी सामुदायिक वनमा लागेको डढेलो निभाउन जाने क्रममा भएको दुर्घटनामा परी स्थानीय ३६ वर्षीय दीपेन्द्र बुढामगर, ३१ वर्षीय चेतनारायण विक (सुनार) र २३ वर्षीय जनक रेगामी मगरको मृत्यु भएको प्रहरीले जनाएको छ ।
बुढामगर र सुनारको घटनास्थलमै मृत्यु भएको हो भने रेग्मीको उपचारका लागि पाल्पा सदरमुकाम तानसेन लैजाँदै गर्दा मृत्यु भएको वडाध्यक्ष सोमबहादुर दर्लामीले जानकारी दिए । घाइतेको तानसेनस्थित मिसन अस्पतालमा उपचार भइरहेको छ ।
