कक्षा १२ को परीक्षा स्थगित गर्ने राष्ट्रिय परीक्षा बोर्डको निर्णय, अब वैशाख २१ गतेदेखि हुने
काठमाडौँ । राष्ट्रिय परीक्षा बोर्डले कक्षा १२ को परीक्षा स्थगित गरेको छ । बैशाख ११ देखि सुरु हुने परीक्षा शिक्षक आन्दोलनका कारण स्थगित भएको हो ।
मंगलबार बिहान बसेको बोर्डको बैठकले परीक्षा निर्धारित मितिमै गर्ने निर्णय गरेको थियो । तर साँझ प्रधानमन्त्री केपी शर्मा ओलीले बोर्डका पदाधिकारीलाई बोलाएर परीक्षा सार्न निर्देशन दिएका थिए ।
प्रधानमन्त्रीको निर्देशनसँग बोर्डका अध्यक्ष महाश्रम शर्माले अर्को सूचना जारी नभएसम्मका लागि कक्षा १२ को परीक्षा स्थगित गरिएको जानकारी दिए । उनले अब कक्षा १२ को परीक्षा वैशाख २१ गतेबाट हुने जानकारी दिए ।
