कक्षा १२ को परीक्षा प्रक्रियामा सहभागी नहुने शिक्षक महासंघको निर्णय
काठमाडौं । नेपाल शिक्षक महासंघले कक्षा १२ को परीक्षा बहिष्कार गर्ने निर्णय गरेको छ । महासंघले यही वैशाख ११ गतेदेखि हुने कक्षा १२ को परीक्षा कर्मचारी खटाएर भए पनि गराउने निर्णय सरकारले गरेपछि शिक्षक महासंघले बहिष्कारको निर्णय गरेको हो ।
महासंघका अध्यक्ष लक्ष्मीकिशोर सुवेदीले भने सरकारले परीक्षा सञ्चालन गरे पनि शिक्षक–प्रधानाध्यापक सहभागी नहुने बताए । राष्ट्रिय परीक्षा बोर्डले भने कर्मचारी खटाएर भए पनि परीक्षा सञ्चालन गर्ने निर्णय मंगलबार गरिसकेको छ ।
