ढल्केबर पुग्यो प्राधिकरणको उच्चस्तरीय टोली, आगलागी भएको सबस्टेशनको अध्ययन गर्ने
काठमाडौं । बुधबार आगलागी भएको ढल्केबर सबस्टेसनको निरीक्षण गर्न प्राधिकरणको टोली पुगेको छ । आगलागीका कारण भएको विद्युत अवरोध समस्या तुरून्त समाधान गर्न कार्यकारी निर्देशक हितेन्द्रदेव शाक्य सहितको उच्चस्तरीय टोली बिहीबार त्यहाँ पुगेको प्राधिकरणले जनाएको छ ।
अचानक आएको प्राविधिक समस्याको अवस्था तथा यस्ता समस्याको दिगो समाधान गर्ने उद्देश्यसहित टोली त्यहाँ पुगेको हो । दिगो र भरपर्दो विद्युत आपूर्ति गर्न पूर्वाधार संरचनाको मर्मत–सम्भार, नयाँ जडान लगायत काम गर्ने प्राधिकरणले जनाएको छ।
