हामीले उठाएका विषयमा राज्य अनुदार देखियो, आन्दोलन जारी राख्छौंः शिक्षक महासंघ
काठमाडौं । नेपाल शिक्षक महासंघले आफ्नो आन्दोलनलाई अझ सशक्त बनाउने भएको छ । महासंघका अध्यक्ष लक्ष्मीकिशोर सुवेदीले आफूहरु निर्णायक मोडमा आइपुगेको र आन्दोलन अघि बढाउनुको विकल्प नभएको बताएका छन् ।
उनले षड्यन्त्र र भ्रामक समाचारप्रति सचेत रहन समेत आग्रह गरेका छन् । मन्त्रिपरिषद्को मंगलबार साँझ बसेको बैठकले शिक्षकका माग सम्बोधन गर्न वैशाख १२ गते संघीय संसदको बजेट अधिवेशन आह्वान गर्ने, संसदमा विचाराधीन विद्यालय शिक्षा विधेयक चाँडो पारित गर्ने, शिक्षकहरूसँग वार्ता जारी राख्ने र शिक्षकलाई सडक छाडेर विद्यालय फर्कन आह्वान गर्ने निर्णय गरेको थियो ।
तर महासंघले सरकारले विश्वसनीय आधार नबनाएकाले आन्दोलन जारी राख्ने निर्णय गरेको हो । विद्यालय शिक्षा ऐन जारी गर्न माग गर्दै महासंघ चैत २० देखि काठमाडौं केन्द्रित आन्दोलनमा छ ।
