उपकुलपति बरालको राजीनामा स्वीकृत
काठमाडौं । त्रिभुवन विश्वविद्यालयका उपकुलपति प्राडा केशरजंग बरालको राजीनामा स्वीकृत भएको छ । प्रधानमन्त्री तथा कुलपति केपी शर्मा ओलीले बरालको राजीनामा बिहीबार स्वीकृत गरेका हुन् ।
बरालले स्वास्थ्य कारण देखाउँदै १५ चैतमा राजीनामा दिएका थिए । उनको राजीनामा स्वीकृत भएको प्रधानमन्त्रीको सचिवालयले जनाएको छ ।
रेक्टर र रजिस्ट्रारले पोखरा पुगेर बराललाई राजीनामा फिर्ता गर्न आग्रह गरे पनि उनी काममा फर्किन तयार भएका थिएनन् ।
