रविन्द्र मिश्रसहित ४१ जनालाई थप ६ दिन थुनामा राख्न अदालतको अनुमति
काठमाडौं । राष्ट्रिय प्रजातन्त्र पार्टीका वरिष्ठ उपाध्यक्ष रविन्द्र मिश्र र महामन्त्री धवल शमशेर राणालाई थप ६ दिन हिरासतमा राख्न अदालतले अनुमति दिएको छ ।
राजावादी आन्दोलनमा हिंसात्मक प्रदर्शन गर्न उक्साएको आरोपमा पक्रउा परेका उनीहरुलाई थप ६ दिन थुनामा राख्न अदालतले अनुमति दिएको हो । जिल्ला प्रहरी परिसर काठमाडौंले मिश्र र राणासहित ४१ जनालाई काठमाडौं जिल्ला अदालतमा म्याद थपका लागि बुधबार उपस्थित गराएको थियो ।
आपराधिक उपद्रव र संगठित अपराधमा ३० जना र राज्यविरुद्धको कसुरमा ११ जना गरी ४१ जनालाई पहिलोपटक आइतबार पाँच दिनको म्याद थप भएको थियो ।
