विशेष अदालतमा प्रतिवादीका पक्षमा बकपत्र गर्ने सरकारी साक्षीविरुद्ध भ्रष्टाचार मुद्दा दर्ता
काठमाडौं । अख्तियार दुरूपयोग अनुसन्धान आयोगले सरकारी साक्षीले प्रतिवादीलाई सहयोग पुग्ने गरी बयान दिएको भन्दै भ्रष्टाचारको मुद्दा दायर गरेको छ ।
मंगलबार अख्तियारले विशेष अदालतमा संखुवासभाको पाँचखपन नगरपालिका–६ का भोजराज भट्टराईविरूद्ध मुद्दा दायर गरेको हो । धनेश्वर प्रसाईंले घुस लिएर भ्रष्टाचार गरेको मुद्दामा सरकारी साक्षी भएका थिए ।
उनले अख्तियारका अनुसन्धान अधिकृतसमक्ष प्रसाईंविरूद्ध बयान दिएकोमा विशेष अदालतमा बकपत्र गर्दा भने त्यसको प्रतिकूल हुनेगरी बयान गरेकाले उनीविरुद्ध पनि मुद्दा दायर गरिएको अख्तियारले जनाएको छ ।
उनीविरुद्ध पनि प्रसाईं प्रतिवादी रहेकै मुद्दाकै बिगो तीन लाख रुपैयाँ कायम गरी मुद्दा दायर गरेको अख्तियारले जनाएको छ ।
