पक्राउ परेका नेता कार्यकर्ता रिहाइको माग गर्दै राप्रपाको प्रदर्शन
काठमाडौं । पक्राउ परेका आफ्ना नेता कार्यकर्ता रिहाइको माग गर्दै राष्ट्रिय प्रजातन्त्र पार्टीले काठमाडौंमा विरोध प्रदर्शन गरेको छ ।
राप्रपाले सोमबार माइतीघरमण्डलामा प्रदर्शन गरेको हो । राप्रपा र निकटका भातृ संगठनले नेताहरूलाई पक्राउ गरी झूठो मुद्दा लगाइएको भन्दै आपत्ति जनाएका छन् ।
उनीहरुले नेताहरुलाई तत्काल रिहाइ गर्नुपर्ने, शुक्रबारको घटनाका मृतकहरूलाई शहीद घोषणा गर्नुपर्ने, घटनाको न्यायोचित छानबिन गर्नुपर्ने माग राखेका छन् ।
शुक्रबारको प्रदर्शनका क्रममा हिंसात्मक क्रियाकलाप गर्न उक्साएको भन्दै राप्रपाका वरिष्ठ उपाध्यक्ष रवीन्द्र मिश्र, महामन्त्री धवलसमशेर राणालगायत नेताकार्यकर्ता पक्राउ परेका छन् ।
