मविरुद्ध सरकारको षड्यन्त्रको शिलशिला अझै सकिएको छैन, तर हार मान्नेवाला छैनः सभापति लामिछाने
काठमाडौं । राष्ट्रिय स्वतन्त्र पार्टीका सभापति रवि लामिछानेले दुई तिहाईको सरकारले आफूलाई जिउँदो छाड्नु नै आफ्नो जित भएको बताएका छन् ।
सोमबार रास्वपाको केन्द्रीय समितिको बैठकअघि पार्टी कार्यालयमा सम्बोधन गर्दै सभापति लामिछानेले लोकतन्त्र र गणतन्त्रको आडमा लुटतन्त्र मच्चाइरहेकाहरुलाई खबरदारी गर्न कहिल्यै पनि पछि नहट्ने बताएका हुन् ।
उनले जतिसुकै मुद्दा लगाएपनि शरीरमा एक थोपा रगत हुनजेलसम्म लुटतन्त्रको विरोधमा उभिने बताए ।
उनले भने, उनले भने,‘सरकारले सक्नेजति जोड बल लगाएको छ । केही नभएको भएत्यत्रो धरौटी लिन्थ्यो अदालतले भन्छन् । तिमीहरुको दुई तिहाईको सरकारले मलाई जिउँदै छोडेको छ यही नै मेरो जित हो । शरीरमा एक थोपा रगतहुनजेसम्म यो लुटतन्त्रको विरोधमा उभिने छु । लोकतन्त्र, गणतन्त्रको आडमा लुटतन्त्र मच्चाईरहेकाहरुलाई खबरदारी गर्न रवि लामिछाने कहिल्यै पनि पछि हट्दैन ।’
त्यस्तै, उनले सरकारको आफूमाथिको षड्यन्त्रको शिलशिलाअझै नसकिएको भन्दै कुनै दिन पनि हार नमानेको र मान्नेवाला पनि नरहेको जिकिर गरे । उनले जतिसुकै आक्षेप लागेपनि जुनसुकै तराजुमा बसेर आफूलाई तौलन तयार भएर बसेको बताए ।
लामिछानेले जनताका असन्तुष्टीलाई सम्बोधन गर्न शान्तिपूर्ण अभियानका लागि तयार हुन पार्टीपक्तिलाई आह्वान गरे ।
उनले भने, ‘जनतामा रहेको आक्रोशलाई सम्बोधन गर्न हामी तयार हुनुपर्छ, कसैलाई गाली गरेर, होच्याएर केही हुनेवाला छैन, शान्तिपूर्ण अभियान मर्न दिनु हुदैन ।’
सहकारी ठगी प्रकरणमा आफूविरुद्ध अदालतमा मुद्दा दायर हुनुअघि लामिछानेले पार्टीका गतिविधिबाट अगल भएका थिए । त्यसयता डोलप्रसाद अर्यालले कार्यवाहक सभापतिको जिम्मेवारी सम्हालेका थिए ।
