रवीन्द्र मिश्र र धवलशमशेर राणालाई पाँच दिन थुनामा राख्न अदालतको अनुमति

काठमाडौं । राप्रपाका वरिष्ठ उपाध्यक्ष रवीन्द्र मिश्र र महामन्त्री धवल शमशेर राणालाई काठमाडौं जिल्ला अदालतले पाँच दिन थुनामा राखेर अनुसन्धान गर्न अनुमति दिएको छ ।

शुक्रबार काठमाडौंको तिनकुनेमा भएके घटनामाथि अनुसन्धान गरिरहेको प्रहरीले मिश्र, जबरा लगायत ११ जनालाई राज्यविरुद्धको अपराधको आरोपमा मुद्दा चलाएको हो ।

उनीहरू शुक्रबार राति पक्राउ परेका थिए । प्रहरीले उनीहरूमाथि राजद्रोह र संगठित अपराधको कसुरमा अनुसन्धान गरिरहेको छ । मुलुकी अपराध संहिता २०७४ को दफा ५० मा राजद्रोहको कसुरसम्बन्धी व्यवस्था छ, जसमा अधिकतम २५ वर्षसम्म कैद सजाय हुने व्यवस्था छ । अरु ३१ जनालाई आपराधिक उपद्रव र संगठित अपराधको अभियोगमा म्याद थप्न अदालतमा पेश गरिएको छ ।