‘लोडसेडिङ चाहिँदैन, कुलमान हटाउन पाइँदैन’ भन्दै माइतीघर मण्डलामा प्रदर्शन
काठमाडौं । सरकारले नेपाल विद्युत प्राधिकरणका कार्यकारी निर्देशक कुलमान घिसिङलाई हटाउने निर्णय गरेपछि सरकारविरुद्ध प्रदर्शन सुरु भएका छन् ।
कुलमानका समर्थक र दलका भातृ संगठनहरूले काठमाडौँका विभिन्न स्थानमा मंगलबार बिहानैदेखि प्रदर्शन गरिरहेका हुन् । बिहान नेकपा एकीकृत समाजवादीको भातृ संगठन अनेरास्ववियुले उर्जामन्त्री दीपक खड्काको पुत्ला जलाएको थियो भने दिउँसो कुलमानका समर्थकहरूले माइतीघरमा प्रदर्शन गरेका छन् ।
उनीहरुले सरकारविरुद्ध नाराबाजी गर्दै कुलमानको पुनर्वहालीको माग गरेका छन् । उनीहरुले
‘जाग्यो जाग्यो जनता अति भयो अब त ’, ‘उज्यालो नेपाल जिन्दावाद’, ‘कुलमान घिसिङ जिन्दावाद’ लगायतका नारा लगाएका छन् ।
