कसैले केही गर्नलाई डराउन पर्दैन, देशको शान्ति कायमै होस् : पूर्वराजा शाह

गोरखा । पूर्वराजा ज्ञानेन्द्र शाहले अहिले देशमा शान्ति चाहिएको बताएका छन् । शनिबार गोरखा दरबारस्थित गोरखकाली मन्दिरमा पूजा अर्चनापछि पत्रकारहरुसँग कुरा गर्दै पूर्वराजा शाहले अहिले देशमा शान्ति चाहिएको बताएका हुन् ।

लामो समयपछि आफ्नो पूर्खाको थलो गोरखा आउँदा खुसी लागेको भन्दै पूर्वराजा शाहले भने, ‘कसैले केही गर्नलाई डराउन पर्दैन । देशको शान्ति कायमै होस् । देशमा विकास होस् । सबैलाई सुख र समृद्धि होस् । कसैले कसैको पनि कुभलो नचिताओस् ।’

मन्दिर पूजाअर्चनका लागि पूर्वराजा पुग्दा त्यहाँ स्थानीयले स्वागत गरेका थिए । त्यसक्रममा उनका समर्थकहरुले राजतन्त्रको पक्षमा नाराबाजी समेत गरेका थिए ।