कुलमानको नम्बर जीरो आउने थिएन, तिमीहरु राजा नबनेको भए !
कसैले पनि
राजा बन्छु म, भन्ने थिएन
तिमीहरु राजा नबेको भए !
‘चोर, देश छोड’ भन्ने नारा बन्ने थिएन
तिमीहरु राजा नबनेको भए !
कुलमानको नम्बर जीरो आउने थिएन
तिमीहरु राजा नबनेको भए !
मरेको मान्छेले मलामी नपाउने थिएन
तिमीहरु राजा नबनेको भए
जेल पाउनुपर्ने मान्छेले मन्त्री पाउने थिएन
तिमीहरु राजा नबनेको भए !
तिम्रो मुटुले
जुलुस देख्दैमा ढ्याङ्ग्रो बजाउने थिएन
तिमीहरु राजा नबनेको भए
तिमीलाई नेता बनाउने जनता तिम्रैविरुद्ध जाग्ने थिएन !
तिमीहरु राजा नबनेको भए !
तिम्रो अनुहार सम्झिँदैमा थुकौंथुकौं लाग्ने थिएन
तिमीहरु राजा नबनेको भए ! !
-अर्जुन पराजुली
