राजावादीहरुबाट हुने प्रदर्शनलाई मध्यनजर गर्दै त्रिभुवन विमानस्थल प्रवेशमा कडाइ
काठमाडौं । राजावादी समूहले पूर्वराजा ज्ञानेन्द्र शाहको स्वागतका लागि त्रिभुवन विमानस्थल आउन आह्वान गरेपछि सुरक्षामा कडाइ गरिएको छ ।
त्रिभुवन विमानस्थलमा हवाइ टिकट भएका यात्रु र कर्मचारी बाहेक अरुलाई प्रवेशमा निषेध गरिएको छ । त्यसैगरी अराजक जुलुश प्रर्दशन गर्ने सक्ने संभावनालाई ध्यानमा राखेर काठमाडौं उपत्यकाको सुरक्षा व्यवस्था विहानैदेखि कडा पारिएको छ ।
पोखराबाट काठमाडौं फर्किंदा राजावादी दल र समूहहरुले स्वागत गर्ने र त्यसक्रममा हुने प्रर्दशनलाई ध्यानमा राखेर काठमाडौं उपत्यकाकै सुरक्षा व्यवस्था कडा पारिएको हो।
आइतबार विहानैदेखि काठमाडौंका मूख्य गल्ली र चोकहरुमा नेपाल प्रहरी, सशस्त्र प्रहरी तथा अन्य सुरक्षा अंगलाई परिचालन गरिएको छ र जिल्ला प्रशासन कार्यालय काठमाडौले दिएको जानकारी अनुसार काठमाडौंको नारायणहिटी दरबार संग्रहालय, त्रिभुवन अन्तर्राष्ट्रिय विमानस्थल सहितका संवेदनशील पहिचान गरिएका क्षेत्र र मुख्य चोकहरुमा सुरक्षाकर्मी परिचालन गरिएको जनाएको छ । पूर्वराजा ज्ञानेन्द्र शाह पोखराबाट आज दिउँसो काठमाडौं आउँदैछन्।
