चैतमा गर्ने तय भएको दसौं राष्ट्रिय खेलकुद जेठमा हुने
काठमाडौं । दसौं राष्ट्रिय खेलकुद तेस्रो पटक सरेको छ । युवा तथा खेलकुद मन्त्री तेजुलाल चौधरीको अध्यक्षतामा बिहीबार बसेको बोर्ड बैठकले दसौं राष्ट्रिय खेलकुद २०८२ साल जेठ ३ देखि १० गतेसम्म कर्णाली प्रदेशमा गर्ने निर्णय गरेको हो ।
यसअघि राखेपको बोर्ड बैठकले दसौं राष्ट्रिय खेलकुद आगामी चैत २३ देखि ३० गतेसम्म गर्ने निर्णय गरेको थियो । त्यसअघि प्रतियोगिता मंसिरमा गर्ने भनिएको थियो । बैठकले प्रथम राष्ट्रिय पारा खेलकुद २०८२ साल जेठ १७ देखि २१ गतेसम्म काठमाडौंमा गर्ने निर्णय गरेको छ ।
