लुम्बिनी न्यारोबडी विमानलाई मर्मत गर्न भारत पठाउने निगमको तयारी
काठमाडौं । नेपाल वायुसेवा निगमले आफ्ना विमानहरूको उडानसम्बन्धमा आएका समाचारप्रति ध्यानाकर्षण भएको जनाएको छ ।
बिहीबार विज्ञप्ति जारी गरी निगमले अन्तर्राष्ट्रिय उडानहरू विमान निर्माता कम्पनी तथा नियमनकारी निकायको मापदण्डअनुसार मर्मतसम्भार गरिरहेकाले यात्रुहरूलाई कुनै समस्या नपर्ने जनाएको छ ।
निगमको वाइडबडी विमानमध्ये ९एन–एएलजेड नियमित रूपमा उडान गरिरहेको जनाएको छ । यस्तै, वाइडबडी ९एन–एएलवाईले बेलुकादेखि काठमाडौं–दिल्ली उडान गर्ने जनाएको छ ।
निगमको न्यारोबडी ९एन–एकेडब्ल्यू चीनको शेन्याङ सीचेक प्रक्रिया पूरा भएको र आवश्यक कस्टम क्लियरेन्समा ढिला हुन गएको जनाएको छ । उक्त विमान शनिबार नेपाल आउने निगमको भनाइ छ ।
अर्को न्यारोबडी ९एन–एकेएक्स विमानको नोज ल्यान्डिङ गियर मर्मत गरी शनिबार नै नेपाल आउने निगमको भनाइ छ ।
निगमको आन्तरिक उडानमा प्रयोग हुने ९एन–एबीयू ट्विनअटर विमानको इन्जिन प्रतिस्थापन ४ मार्चसम्म सकेर नियमित उडानमा आउने र अर्को ट्विनअटर विमान ९एन–एबीटीको पनि इन्जिन प्रतिस्थापनपछि नियमित उडानमा आउने निगमले जारी गरेको विज्ञप्तिमा उल्लेख छ ।
