नेपाली सेनाले यसरी मनायो टुँडिखेलमा सैनिक दिवस(फोटोफिचर)
काठमाडौं । नेपाली सेनाले २६२औँ स्थापना दिवस तथा शिवरात्रि विशेष कार्यक्रम गरी मनाएको छ । बुधबार सेना दिवसका अवसरमा नेपाली सेनाले सैनिक मञ्च टुँडिखेलमा विशेष कार्यक्रम आयोजना गरेको हो ।
कार्यक्रममा राष्ट्रपति रामचन्द्र पौडैलको सम्मानमा सेनाली सलामी अर्पण गरेको थियो । नेपाली सेनाले सैनिक मञ्चमा मार्चपास, हेलिकोप्टरबाट पुष्पगुच्छा अर्पण गर्नुका साथै राइफल र तोपबाट महाशिवरात्री बढाइँ तथा कवाज प्रस्तुत गरेको थियो ।
समारोहमा सेनाले विभिन्न रणकौशल, मार्चपास तथा परम्परागत वेशभूषा झल्कने विविध कला र नृत्य प्रदर्शन गरेको थियो । साथै नेपाली सेनाले शान्ति मिसनमा प्रयोग गर्दै आएका विभिन्न सवारीसाधन, उपकरण र हतियार प्रदर्शन गरेका थियो । कार्यक्रममा उपराष्ट्रपति रामसहायप्रसाद यादव, प्रधानमन्त्री केपी शर्मा ओली, प्रधानन्यायाधीश प्रकाशमानसिंह राउत, सभामुख देवराज घिमिरेलगायत उच्च पदाधिकारीहरूको उपस्थिति थियो ।
