भ्रष्टाचार हुने देशको सूचीमा नेपाल ३४ अंकसहित १०७ औं स्थानमा, साउथ सुडान विश्वकै भ्रष्टाचार गर्ने मुलुक
काठमाडौं । नेपाल भ्रष्टाचारको सूचकांकमा एक स्थान खस्किएको छ । ट्रान्सपरेन्सी इन्टरनेशनलले मंगलबार विश्वव्यापी रुपमा सार्वजनिक गरेको भ्रष्टाचार अवधारणा सूचकांकमा नेपाल एक स्थान खस्किएको छ ।
गतवर्ष नेपाल ३५ अंक सहित १०८ औं स्थानमा थियो भने यसवर्ष ३४ अंकसहित १०७ औं स्थानमा झरेको छ । यस नतिजाले भ्रष्टाचारविरुद्ध नेपालमा प्रभावकारी रूपले काम कारबाही अगाडि बढाउन आवश्यक देखिएको ट्रान्सपरेन्सीले औँल्याएको छ ।
डेनमार्क विश्वकै कम भ्रष्टाचार हुने देशमा परेको छ । डेनमार्कले कुल १०० मध्ये ९० अंक प्राप्त गरेको छ । ५० भन्दा कम अंक पाउनेहरु भ्रष्टाचारले व्याप्त मुलुककै सूचीमा पर्छन् ।
साउथ सुडान विश्वकै भ्रष्टाचार हुने देशको एक नम्बरमा परेको छ । कुल १०० अंकमा साउथ सुडानले जम्मा ८ अंक प्राप्त गरेको छ । ट्रान्सपरेन्सीका अनुसार सूचकांकमा १०० अंकले अति स्वच्छ र शून्य अंकले अतिभ्रष्ट भन्ने जनाउँछ ।
