शिक्षा र स्वास्थ्य मन्त्रीबीच भएको सम्झौताप्रति आवासीय चिकित्सक रुष्ट, अत्यावश्यकबाहेकका सेवा बहिष्कारको चेतावनी
काठमाडौं । आवासीय चिकित्सकहरूले २४ घण्टाभित्र इन्टर्न तथा एमडी, एमडीएस, एमडी, एमसीएच रेजिडेन्टहरूको सरकारी सरह पारिश्रमिक नदिइए सेवा बहिष्कार गर्ने चेतावनी दिएका छन् ।
स्वास्थ्यकर्मीका लागि सुरक्षित कार्यस्थल संघर्ष समितिले मंगलबार विज्ञप्ति जारी गरी माग पूरा नभए अत्यावश्यकबाहेक सम्पूर्ण सेवा बहिस्कार गर्ने चेतावनी दिएको हो ।
समितिले स्वास्थ्य र शिक्षामन्त्रीबीच भएको भनिएको सम्झौताले सारा नेपाली चिकित्सकको अपमान गरेको बताएको छ ।
विज्ञप्तिमा भनिएको छ, ‘स्वास्थ्य तथा जनसंख्या मन्त्री तथा शिक्षा विज्ञान तथा प्रविधिमन्त्रीद्वारा संयुक्त रुपमा गरिएको भनिएको सारा नेपाली डाक्टरहरुको अपमान हुने खालको सिफारिस २४ घण्टाभित्र सच्याइ सम्पूर्ण इन्टर्न तथा एमडी, एमडीएस, एमडी, एमसीएच रेजिडेन्टहरूको पारिश्रमिक न्यूनतम सकारी सरह कायम गर्न र सम्पूर्ण पीजी कार्यक्रमहरू पूर्णतया शुल्करहित र बोन्डरहित बनाउन अन्तिम चेतावनी दिन्छौं ।’
विगतमा गरेको सम्झौताविपरीत अन्य कुनै निर्णय गरेमा आवासीय चिकित्सकहरू सशक्त रूपमा प्रतिकारमा उत्रने समितिले चेतावनी दिएको छ ।
यो पनि
