काठमाडौंबाट श्रोत नखुलेको ३९ लाख ७५ हजार रुपैयाँसहित चितवनका माधव श्रेष्ठ पक्राउ
काठमाडौं । प्रहरीले काठमाडौंबाट स्रोत नखुलेको ३९ लाख नगदसहित एक जनालाई पक्राउ गरेको छ । प्रहरीले काठमाडौं महानगरपालिका–२४ इन्द्रचोकबाट स्रोत नखुलेको ३९ लाख ७५ हजार रुपैयाँसहित एक जनालाई पक्राउ गरेको काठमाडौं उपत्यका प्रहरी कार्यालय रानीपोखरीका एसएसपी शेखर खनालले जानकारी दिएका छन् ।
पक्राउ पर्नेमा चितवन भरतपुर महानगरपालिका–१५ घर भई काठमाडौंको टोखा बस्ने ४८ वर्षीय माधव श्रेष्ठ छन् । उनलाई आइतबार प्रहरीले पक्राउ गरेको जनाएको छ । यस सम्बन्धमा जिल्ला प्रहरी परिसर काठमाडौंले थप अनुसन्धान अघि बढाएको छ।
