पश्चिम रुकुममा चार दिनअघि भागेर विवाह गरेका एकजोडी मृत फेला
रुकुम पश्चिम । रुकुम पश्चिमको त्रिवेणीमा एकजोडी मृत फेला परेका छन् । त्रिवेणी गाउँपालिका –४ खुम्चेरीमा युवा र एक युवती शनिबार बिहान एउटैका कोठामा मृत फेला परेका हुन् ।
वडाअध्यक्ष नन्नराम बाँठाका अनुसार सोही वडाका टेकबहादुर खड्काको छोरा लोकेन्द्र खड्का र वडा नम्वर ६ की सपना पुन मगर लोकेन्द्रको घरमा मृत फेला परेका हुन् । दुबै जना १९ वर्षका थिए । प्रहरीकाअनुसार लोकेन्द्र झुन्डिएको अवस्थामा रहेका थिए भने सपना भुइँमा मृत भेटिएकी थिइन् ।
चार दिन अघि विवाहको लागि लोकेन्द्रले सपनालाई भगाएर ल्याएका थिए । लोकेन्द्रको आमा बिरामी भएपछि बुवाको साथमा उपचारको लागि नेपालगञ्ज गएको बेला घरमा यस्तो घटना भएको हो । अहिले घटनास्थलमा प्रहरी पुगिसकेको छ । प्रहरीले बुवाआमा आएपछि मात्रै आवश्यक कानूनी प्रक्रिया सूरु गरेर घटनाको अनुसन्धान गर्ने जनाएको छ ।
