राष्ट्रिय परीक्षा बोर्डद्वारा एसइई परीक्षाको तालिका सार्वजनिक
काठमाडौं । राष्ट्रिय परीक्षा बोर्डले यसवर्षको एसइईको परीक्षाको तालिका सार्वजनिक गरेको छ । बोर्डले सूचना जारी गरी चैत ७ गतेदेखि परीक्षा सुरु हुने जनाएको हो ।
नियमित तथा ग्रेडबृद्धिको समय तालिका अनुसार चैत ७ देखि सुरु हुने परीक्षा १९ सम्म सञ्चालन हुनेछ । प्राविधिक धार तर्फको परीक्षा शनिवार समेत सञ्चालन हुने भएको छ ।
पहिलो दिन अंग्रेजी, दोस्रो दिन नेपाली, तेस्रोमा गणित, चौथो दिन विज्ञान विषयको परीक्षा हुनेछ । त्यस्तै पाँचौँ दिन अनिवार्य सामाजिक, छैटौँ दिन ऐच्छिक प्रथम, सातौँ दिन ऐच्छिक द्वितीय पत्रका विषयहरूको परीक्षा हुनेछ ।
