सल्यानको कुपिण्डेमा दुई दिदीबहिनी घरभित्र मृत फेला
सल्यान । सल्यानमा दिदीबहिनी घरभित्रै मृत भेटिएका छन् । सल्यानको कुपिण्डे नगरपालिका–११, सिस्नेपातलकी ३ वर्षीय करिष्मा राना र उनकी ६ महिनाकी बहिनी राघवी राना मृत फेला परेका हुन् । जिल्ला प्रहरी कार्यालय, सल्यानकाअनुसार घटना बुधबार बिहानको हो ।
सो समयमा आमा पूर्णिमा राना घरमै थिइन् । बाबु टेकमान राना भने रोजगारीका सिलसिलामा नुवाकोटमा छन् । घटनाकाबारेमा थप अनुसन्धान भइरहेको प्रहरीले जनाएको छ ।
