बैतडीमा ४.६ म्याग्निच्युडको भूकम्प
बैतडी । बैतडीसहित सुदूरपश्चिम प्रदेशका पहाडी जिल्लामा भूकम्पको धक्का महसुस गरिएको छ । सुर्खेतस्थित भूकम्प मापन केन्द्रका प्रमुख चिन्तन तिमल्सिनाका अनुसार बैतडीको सिगास गाउँपालिका–७ को न्वाघर केन्द्रबिन्दु भएर आज बिहान ७ः५४ बजे ४.६ म्याग्निच्युडको भूकम्प गएको हो ।
भूकम्पको धक्का बैतडीसहित, बझाङ, डडेल्धुरा र डोटीमासमेत महसुस गरिएको थियो । भूकम्पबाट के कति क्षति भयो भन्ने अहिलेसम्म जानकारी नआएको जिल्ला प्रहरी कार्यालयले जनाएको छ । पश्चिम नेपालमा पछिल्लो समय लगातार भूकम्प गइरहेको छ ।
