सेवाग्राहीसँग तीन लाख घुस लिँदै गर्दा राष्ट्रिय किताबखानाका शाखा अधिकृत पक्राउ
काठमाडौं । राष्ट्रिय किताबखाना (शिक्षक) तहाचल, काठमाडौंका शाखा अधिकृत ३ लाख घुससहित पक्राउ परेका छन् ।
अख्तियार दुरूपयोग अनुसन्धान आयोगले किताबखानाका शाखा अधिकृत धनेश्वर प्रसाईंलाई आइतबार सेवाग्राहीबाट घुस लिँदै गरेको बेला पक्राउ गरेको हो । पेन्सनपट्टा बनाउने प्रयोजनका लागि शाखा अधिकृत प्रसाईंले सेवाग्राहीबाट ३ लाख रूपैयाँ घुस लिएका थिए ।
