गण्डकी प्रदेशसभाकी पूर्वसदस्य मीना गुरुङ पक्राउ
पोखरा । सूर्यदर्शन सहकारी ठगी प्रकरणमा गण्डकी प्रदेशसभाकी पूर्वसांसद मीना गुरुङ पक्राउ परेकी छन् । गुरुङलाई कास्की प्रहरीले मंगलबार पक्राउ गरेको हो ।
जिल्ला सरकारी वकिल कार्यालय कास्कीले उनीसहित ६३ लाई प्रतिवादी बनाएर आइतबार जिल्ला अदालत कास्कीमा मुद्दा दायर गरेको थियो ।
जिल्ला प्रहरी कार्यालयका सूचना अधिकारी डीएसपी बसन्तकुमार शर्माले बुधबार उनलाई अदालतमा पेश गर्ने बताए । गुरुङ एमालेको तर्फबाट समानुपातिक सांसद बनेकी थिइन्।
