रवि हिरासतमा सुतिरहेको तस्बिर सार्वजनिक गर्ने निकोलस भुसाल रिहा
काठमाडौं । राष्ट्रिय स्वतन्त्र पार्टीका सभापति रवि लामिछाने हिरासतभित्र सुतिरहेको तस्बिर सार्वजनिक गरेको आरोपमा पक्राउ परेका डा. निकोलस भुसाल रिहा भएका छन् ।
आइतबार साँझ काठमाडौंबाट पक्राउ परेका उनलाई सोमबार बिहानै पोखरा लगिएको थियो । उनलाई बाहिरै राखेर अनुसन्धान गर्नेगरी रिहा गरिएको प्रहरीले जनाएको छ ।
लामिछानेको स्वास्थ्य जाँचका लागि हिरासतमा गएका बेला तस्बिर खिचेको स्वीकार गरेका थिए । साथै यसमा आफ्नो गलत नियत नभएको प्रष्टीकरण पनि उनले दिएका थिए ।
हिरासत कक्षको तस्बिर त्यसरी सार्वजनिक हुनुमा सुरक्षा कमजोरी भएको भन्दै प्रहरीको आलोचना भएको थियो । त्यसपछि प्रहरीले भुसाललाई पक्राउ गरेको हो ।
