एनपीएलको फाइनल खेलपछि साम्प्रदायिक सद्भाव बिथोल्न खोेजेको आरोपमा सुदूरपश्चिमका दुई युवा पक्राउ
काठमाडौं । गत शनिबार त्रिवि क्रिकेट मैदानमा नेपाल प्रिमियर लिग(एनपीएल) को फाइनल खेलपछि साम्प्रदायिक सद्भाव बिगार्न खोज्ने दुई जनालाई पक्राउ गरेको छ ।
जनकपुर बोल्टस र सुदूरपश्चिम रोयल बीचको फाइनल खेलपछि केही व्यक्तिले अपमानजनक शब्द प्रयोग गर्ने, साम्प्रदायिक सद्भाव बिगार्न खोज्ने तथा विभिन्न व्यक्तिहरुलाई अभद्र व्यवहार गरेको आरोपमा काठमाडौं प्रहरी परिसरले दुई जनलाई पक्राउ गरेको हो ।
पक्राउ पर्नेमा डोटीको आदर्श गाउँपालिका वडा नम्बर दुई घर भई कीर्तिपुर बस्ने वर्ष २१ का अशोक साउद र डोटीको सिलगढीका वर्ष १९ का गणेश साउद छन् । उनीहरुले जनकपुर बोल्टसका समर्थकलाई कुटपिटसमेत गरेका थिए ।
