सामाजिक अभियन्ता सुनिता दनुवारको निधन

काठमाडौं । शक्ति समूहकी संस्थापक एवं सामाजिक अभियन्ता सुनिता दनुवारको निधन भएको छ । सोमबार बिहान अचेत अवस्थामा गोकर्णेश्वरस्थित नेपाल मेडिकल कलेज पुर्याइएकोमा चिकित्सकले उनलाई मृत घोषणा गरेको शक्ति समूहकी सदस्य उर्मिला श्रेष्ठले जानकारी दिइन् ।

४७ वर्षीया दनुवार काठमाडौंको गोकर्णेश्वर नगरपालिका–८ मा बस्थिन् । उनलाई अमेरिकाको फर्च्युन म्यागेजिनले विश्वका ५० विशेष नेतृत्वकर्ताको सूचीमा राखेको थियो । दनुवारलाई अमेरिकी विदेश मन्त्रालयले सन् २०१८ मा ‘टिप हिरो’ को रूपमा सम्मान समेत गरेको थियो ।