हङकङबाट काठमाडौं आउँदा जहाजभित्रै अचेत भएका यात्रुको मृत्यु

काठमाडौं । हङकङबाट नेपाल वायुसेवा निगमको जहाजमा आएका एक यात्रुको मृत्यु भएको छ । आइतबार हङकङबाट निगमको जहाजमा काठमाडौं आउने क्रममा जहाजभित्रै अचेत भएका ताप्लेजुङका ५३ वर्षीय देउमान लिम्बुको निधन भएको हो ।

जहाजभित्रै अचेत भएका लिम्बुलाई केएमसी अस्पताल सिनामंगल पठाइएकोमा चिकित्सकले मृत घोषणा गरेका थिए ।

एयरलाइन्सका कर्मचारीले उनको शव आफन्तको जिम्मा लगाएको निगमका प्रवक्ता रमेश पौडेलले जानकारी दिएका छन् । जहाजमा उनी अचेत हुनुको कारण भने खुलेको छैन ।