सामाजिक संरचना र यसले मानव स्वास्थ्यमा पार्ने प्रभावका विषयमा छलफल
काठमाडौं । नेपाल हृदयरोग निवारण प्रतिष्ठान ललितपुर शाखा र हार्ट क्लब नेपाल ललितपुरको संयुक्त आयोजनामा ‘सामाजिक संरचना र यसले मानव स्वास्थ्यमा पार्ने प्रभाव’ विषयक अन्तरक्रिया कार्यक्रम आयोजना गरिएको छ ।
ललितपुरमा आयोजित कार्यक्रममा विज्ञहरुले समाजिक संरचनाको भूमिकाले मानव स्वास्थ्यमा प्रभाव पारेको बताएका थिए । कार्यक्रममा समाजिक संरचनाको भूमिकाले मानव स्वास्थ्यमा पार्ने प्रभावकाबारेमा छलफल भएको थियो ।
कार्यक्रमका प्रमुख अथिति हार्ट क्लब नेपाल ललितपुर जिल्ला शाखाका सभापति डा. लक्छी सिंहले हिजाआज औषधि भन्दा सामाजिक सन्तुलनले मानव स्वास्थ्यमा निकै असर पारेको बताए ।
उनले भने, ‘हिजोआज औषधि भन्दा सामाजिक सन्तुलनले मानव स्वास्थ्यमा निकै असर पारेको छ । त्यसको उदाहरण खानपिनका बारेमा जनचेतना अभिवृद्धि गर्नुपर्छ । त्यसका लागि समाज, समूह, टोल, क्लब, चौतारा, टोली र संगठनको भूमिका अतिनै आवश्यक छ ।’
कार्यक्रमको अध्यक्षता हार्ट क्लब नेपाल कार्यबाहक अध्यक्ष निर्मलकुमार प्रधानाङ्ग, नेपाल हृदयरोग निवारण प्रतिष्ठान ललितपुर शाखाका सभापति बालकृष्ण तुलाधर, हार्ट क्लब नेपालका केन्द्रीय महासचिव मोहननाथ मास्के, नेपाल हृदयरोग निवारण प्रतिष्ठान ललितपुर शाखा, हार्ट क्लब नेपाल केन्द्रीय कार्यालय र हार्ट क्लब नेपाल ललितपुर जिल्ला शाखाका कार्यसमितिका पदाधिकारीहरु, विभिन्न विषयका विधावारिध विज्ञहरु, चिकित्कहरु, विश्वविधालयका प्राध्यापकहरु, वरिष्ठ निजामती तथा अन्य कार्यालयका सेवानिवृत्त राष्ट्रसेवकहरु, नास्टका पूर्वसदस्य सचिव डा.महेशकुमार अधिकारीलगायत सहभागी भएका थिए ।
