आफूलाई झाँक्री बताउने प्रकाश भुजेल पुर्पक्षका लागि जेल चलान
काठमाडौं । आफूलाई झाँक्री बताउने प्रकाश भुजेल पुर्पक्षका लागि जेल चलान भएका छन् । आइतबार जिल्ला अदालत काठमाडौँका न्यायाधीश खेमराज भट्टको इजलासले झाँक्रीलाई पुर्पक्षका लागि थुनामा पठाउन आदेश दिएको हो ।
गत कात्तिक २८ उनले चलाएको कारले मोटरसाइकललाई ठक्कर दिँदा कागेश्वरी मनोहरा नगरपालिका–२, आलापोटका नारायण नगरकोटी र उनकी पत्नी सानुमाया नगरकोटीको मृत्यु भएको थियो ।
दुर्घटनापछि फरार भएका उनले साँझ प्रहरीसमक्ष आत्मसमर्पण गरेका थिए । सुरुमा शव बुझ्न नमानेका पीडित परिवारले आर्थिक सहयोग सहमतिपछि शव बुझेका थिए । उनीविरुद्ध प्रहरीले सवारी ज्यानसम्बन्धी कसुरमा मुद्दा चलाएको थियो ।
