गाडीको ठक्करबाट सिरहामा सशस्त्र प्रहरीको मृत्यु

सिरहा । सिरहामा ड्युटीमा खटिएका एकजना सशस्त्र प्रहरीको सवारीसाधनको ठक्करबाट मृत्यु भएको छ । सिरहाको बरियारपट्टी गाउँपालिका–१ स्थित कचनारी बोर्डरको छेउमा नम्बर नखुलेको गाडीले आइतबार बिहान करिब ३ बजे ठक्कर दिँदा सशस्त्र प्रहरीका सई लक्ष्मण प्रसाद यादवको मृत्यु भएको हो ।

जिल्ला प्रहरी कार्यालय सिरहाका प्रवक्ता डिएसपी वीरेन्द्रकुमार पासमानका अनुसार गाडीको ठक्करबाट गम्भीर घाइते भएका यादवको उपचारका क्रममा प्रादेशिक अस्पताल लहानमा मृत्यु भएको हो । ठक्कर दिएको गाडीसहित चालक फरार रहेकाले उनको खोजी भइरहेको प्रहरीले जनाएको छ ।