दुई किलो सुनसहित रसुवाबाट एकजना पक्राउ

रसुवा । रसुवामा दुई किलो सुनसहित एक जना पक्राउ परेका छन् । कालिका गाउँपालिका–१, ग्राङबाट करिब २ किलो सुनसहित गोसाइकुण्ड गाउँपालिका–३, ब्रिद्धिमका ३४ वर्षीय कर्मा सोनाम लामा पक्राउ परेका हुन् ।

जिल्ला प्रहरी कार्यालय, रसुवाकाअनुसार लामालाई सुनसहित बिहीबार बेलुका पक्राउ गरिएको हो । अस्थायी प्रहरी पोष्ट ग्राङबाट खटिएको प्रहरीले कालिकातर्फ जाँदै गरेको बागमती प्रदेश ०२–०४३ प २४३४ नम्बरको मोटरसाइकललाई जाँच गर्ने क्रममा सुन फेला पारेको थियो । प्रहरीका अनुसार लामाले सुन आफूले लगाएका दुवै जुत्ताभित्र राखेका थिए ।