जापान मानव तस्करीको आरोपमा पक्राउ परेका एमाले सांसद अधिकारीलाई काठमाडौं ल्याइयो
काठमाडौं । मानव तस्करीको आरोपमा पक्राउ परेका कोशी प्रदेशका पूर्वमन्त्री तथा सांसद लिलाबल्लभ अधिकारीलाई प्रहरीले काठमाडौं ल्याएको छ ।
आइतबार बिहान विराटनगरस्थित घरबाट पक्राउ परेका अधिकारीलाई दिउँसो प्रहरीले यति एयरजको जहाजबाट काठमाडौं ल्याएको हो । त्रिभुवन विमानस्थलबाट अधिकारीालई काठमाडौं प्रहरी परिसर लगिएको छ । अधिकारीमाथि पदको दुरूपयोग गर्दै गैरकानुनी तरिकाले मानिसहरू जापान पुरयाउन खोजेको आरोप छ।
एमालेले शनिबार नै उनलाई निलम्बन गरिसकेको छ । अधिकारी कोशी मन्त्रिपरिषद् र संघीय सरकारसँग अनुमति नै नलिई जापान उडेका थिए ।
तर जापानको अध्यागमनले अधिकारीसहित उनीसँगै गएका खोटाङका ३६ वर्षीय दावा शेर्पा, खोटाङकै जनक राई र रसुवा घर भएका २२ वर्षीय कञ्चन देवकोटालाई डिपोर्ट गरेपछि यो प्रकरणको सार्वजनिक भएको थियो । यो घटना सार्वजनिक भएपछि अधिकारीले भन्दै पदबाट राजीनामा दिएका थिए ।
जापानले डिपोर्ट गरेका तीन जना प्रहरी हिरासतमा छन् भने उनीहरुको बयानका आधारमा प्रहरीले जुगल रिजाल, वीरबहादुर सुनुवार र महेश पाण्डे पनि सोही अभियोगमा पक्राउ परेका छन् । पक्राउ परेकाहरूले आफूहरूले जापान जानका लागि १० देखि १३ लाख रूपैयाँसम्म बुझाएको बताएका छन् ।
