छठ पूजाका लागि धपक्कै बल्यो कमलपोखरी(फोटोफिचर)
काठमाडौं । छठ पर्वको रौनक यतिबेला काठमाडौं उपत्यकामा पनि बढेको छ । काठमाडौँ उपत्यकाकाभित्रका विभिन्न नदी यतिबेला झिलीमिली पारिएका छन् ।
छठ पर्व मनाउन महानगरपालिकाले नदी सफाइ र पालको व्यवस्था गरेको छ । यस वर्ष काठमाडौँ महानगर क्षेत्रभित्र ८ स्थानमा छठ पर्व मनाउने व्यवस्था मिलाइएको छ । महानगरले गौरीघाट, कोटेश्वर दोभान, कमलपोखरी, वंशीघाट, बालाजु बाइसधारा, धौखेल खोला, कुमारी क्लब, र भुवनेश्वरी मन्दिरमा छठ मनाउने व्यवस्था मिलाएको छ ।
सूर्यसँग मानवसहित प्राणी जगतको सम्बन्धमा आधारित सांस्कृतिक पर्व छठका लागि काठमाडौँ महानगरपालिका वडा नम्बर १ मा रहेको कमलपोखरी श्रद्धालुहरुको उपासनाका लागि तयार गरिएको छ । बत्तीको उचित व्यवस्थापन गरेर आकर्षक बनाइएको छ । छठ पूजाका लागि यसरी सिंगारिएको छ कमलपोखरी
तस्बिरः काठमाडौं महानगरपालिका
