संसदीय सुनुवाइबाट प्रकाशमानसिंह राउत प्रधानन्यायाधीशमा अनुमोदन

काठमाडौँ । प्रधानन्यायाधीशमा प्रकाशमानसिंह राउतको नाम अनुमोदन भएको छ । बुधवार बसेको संसदीय सुनुवाइ समितिको बैठकले सर्वोच्च अदालतको प्रधानन्यायाधीशमा राउतको नाम अनुमोदन गरेको हो । यसअघि आजै राउतमाथि संसदीय सुनुवाइ भएको थियो ।

समितिले मंगलबार उजुरीकर्तासँग भिडियो छलफल गरेको थियो । त्यसपछि उनलाई प्रधानन्यायाधीशमा अनुमोदन गरिएको हो । उनले २४ बुँदे योजना पेस गरेका थिए । संवैधानिक परिषद्ले असोज १ गते राउतको नाम प्रधानन्यायाधीशमा सिफारिस गरेको थियो ।