प्रधानमन्त्री निवासमा संवैधानिक परिषदको बैठक

काठमाडौं । संवैधानिक परिषदको बैठक बसिरहेको छ । प्रधानमन्त्री निवास बालुवाटारमा परिषदको बैठक बसिरहेको हो । प्रधानन्यायाधीश नियुक्तिको सिफारिसका लागि बैठक बोलाइएको हो ।

प्रधानन्यायाधीश विश्वम्भरप्रसाद श्रेष्ठ ६५ वर्षे उमेर हदका कारण असोज १९ मा अवकासमा जाने भएपछि सर्वोच्चको नयाँ प्रधानन्यायाधीश सिफारिस हुन लागेको हो । सर्वोच्चको न्यायाधीशको वरिष्ठतामा न्यायाधीश प्रकाशमानसिंह राउत अगाडि छन् ।

प्रधानमन्त्री केपी शर्मा ओलीले बिहीबार कांग्रेस सभापति शेरबहादुर देउवा र माओवादी केन्द्रका अध्यक्ष पुष्पकमल दाहाल प्रचण्डसँग छलफल गरेका थिए । संवैधानिक परिषद्को अध्यक्षमा प्रधानमन्त्री रहने व्यवस्था छ ।