काठमाडौँ । जिल्ला प्रशासन कार्यालय काठमाडौंले तीज पर्व भड्किलो ढंगले नमनाउन र अटेर गरे कारबाही गर्ने चेतावनी दिएको छ ।
बिहीबार सहायक प्रमुख जिल्ला अधिकारी माधवप्रसाद ढुंगानाले सूचना जारी गरी तीन पर्व मनाउँदा सामाजिक व्यवहार (सुधार) ऐन, २०३३ र सामाजिक व्यवहार (सुधार) नियमावली, २०३३ को ख्याल गर्न आग्रह गरेका हुन् ।
सूचनामा भनिएको छ, ‘कोही कसैले अनावश्यक तडकभडक र खर्चिलो हुने गरी तीजका कार्यक्रमहरुको आयोजना गरे /गराएमा त्यस्ता गतिविधिहरुको निगरानी गरी कानून बमोजिम कारवाही हुने व्यहोरा समेत यसै सूचनाद्वारा सबैमा जानकारी गराइएको छ ।’
प्रतिक्रिया