अमेरिकामा नेपाली विद्यार्थी मुना पाण्डेमाथि गोली प्रहार गर्ने व्यक्ति पक्राउ
काठमाडौं । अमेरिकाको ह्युस्टनमा नेपाली विद्यार्थी मुना पाण्डेमाथि गोली प्रहार गर्ने अभियुक्त पक्राउ परेका छन् । २१ वर्षीया पाण्डेमाथि गोली हानी हत्या गर्ने अभियुक्तलाई ह्युस्टन प्रहरीले पक्राउ गरेको छ ।
सर्वसाधारणको विभिन्न सुझावका आधारमा बुधबार साँझ ट्राफिक जामको क्रममा उनलाई पक्राउ गरिएको हो । अभियुक्तको परिचय भने खुलाइएको छैन । अगस्ट २४ शनिबार राति ९ः४८ मा सीसीटीभी फुटेजबाट कैद गरिएको संदिग्धको तस्बिर बुधबार प्रहरीले सार्वजनिक गरेको थियो ।
मुना सोमबार साँझ उनको ह्युस्टन अपार्टमेन्टमा मृत फेला परेकी थिइन् । साँझ ५ः३५ बजे फोन गर्दा प्रहरीले गोली चलाएको अवस्थामा फेला पारेको थियो ।
घटना वेस्ट एयरपोर्ट बुलेभार्डमा भएको हो । उनको शव पोस्टमार्टमका लागि पठाइएको छ । नेपालको भोजपुर निवासी पाण्डे सन् २०२१ देखि ह्युस्टन कम्युनिटी कलेजमा पढ्दै आएकी थिइन् ।
