यी हुन् अमेरिकामा नेपाली युवती मुना पाण्डेमाथि गोली प्रहार गर्ने व्यक्ति
काठमाडौं । ह्युस्टन प्रहरीले नेपाली विद्यार्थी मुना पाण्डेको हत्यामा संलग्नको तस्बिर सार्वजनिक गरेको छ । ह्युस्टन प्रहरीले २१ वर्षीया नेपाली विद्यार्थी मुना पाण्डेको हत्यामा संलग्न शंकास्पद व्यक्तिको तस्बिर सार्वजनिक गरेको हो । तर संदिग्धको पहिचान भने खुल्न सकेको छैन ।
सीसीटीभी फुटेजमा संदिग्ध व्यक्ति शनिबार अगस्ट २४ मा राति ९ः४८ बजे घटनास्थलमा आइपुगेको देखाइएको नेप्योर्क डटकमले उल्लेख गरेको छ । तस्बिर सार्वजनिक भएपनि संदिग्ध पक्राउ पर्न सकेको छैन ।
प्रहरीले यसबारे अनुसन्धान गरिरहेको जनाएको छ । गोली प्रहार गर्ने व्यक्ति मुनासँग सम्बन्धमा रहेका युवक नभएको बताइएको छ । मुना सोमबार साँझ उनको ह्युस्टन अपार्टमेन्टमा मृत फेला परेकी थिइन् ।
साँझ ५ः३५ बजे फोन गर्दा प्रहरीले गोली चलाएको अवस्थामा फेला पारेको थियो । घटना वेस्ट एयरपोर्ट बुलेभार्डमा भएको हो । शवलाई पोस्टमार्टमका लागि पठाइएको छ । प्रहरीले गोली प्रहार गर्ने व्यक्तिको पहिचानका लागि सहयोग गर्न आग्रह गरेको छ । मुना भोजपुरकी हुन् ।
