सशस्त्र प्रहरीका चार डीआइजीको काज सरुवा
काठमाडौं । सशस्त्र प्रहरी बलका चार डीआइजीको सरुवा भएको छ । बुधबार गृहमन्त्रीस्तरको निर्णयअनुसार चार डीआइजीको सरुवा भएको हो ।
डीआइजी अभिकुमार खत्रीलाई ५ नम्बर बिन्ध्याबासिनी बाहिनी मुख्यालय रुपेन्देहीबाट मानव स्रोत विभागमा, दुर्गाप्रसाद भट्टराई राष्ट्रिय सुरक्षा परिषदको सचिवालयमा, राष्ट्रिय सुरक्षा परिषदको सचिवालयमा कार्यरत प्रदीपकुमार पाललाई ५ नम्बर बिन्ध्याबासिनी बाहिनी मुख्यालय रुपन्देही र मानव स्रोत विभागमा कार्यरत सुरेश कुमार श्रेष्ठको महेश्वरी बाहिनी मुख्यालय सुर्खेतमा सरुवा गरिएको छ ।
