अशोकराज सिग्देल प्रधानसेनापति नियुक्त
काठमाडौं । नेपाली सेनाको प्रधानसेनापतिमा अशोकराज सिग्देल नियुक्त भएका छन् । राष्ट्रपति रामचन्द्र पौडेलले भदौ २४ देखि लागू हुने गरी उनलाई प्रधानसेनापतिमा नियुक्त गरेका राष्ट्रपति कार्यालयले जनाएको छ ।
प्रधानसेनापति प्रभुराम शर्माको कार्यकाल २४ भदौमा समाप्त हुँदैछ । कार्यकाल समाप्त हुनु एक महिनाअघि उनी बिदामा बसेकाले हाल सिग्देल कायम मुकायम प्रधान सेनापति छन् ।
