काठमाडौं । सरकारले अमेरिकाको स्टेट पार्टनरशिप कार्यक्रम (एसपीपी)बारे कुनै प्रस्ताव नआएको प्रष्ट पारेको छ ।
बिहीबारको प्रतिनिधिसभा बैठकमा सांसदसँगको प्रश्नोत्तर कार्यक्रममा प्रधानमन्त्री केपी शर्मा ओलीले एसपीपीबारे कुनै प्रस्ताव नआएको बताएका हुन् ।
प्रधानमन्त्री ओलीले अमेरिकी डेपुटी सेक्रेटरी रिचार्ड आर बर्मासँगको भेटमा दुई देशको बहुआयामिक सम्बन्धबारे चर्चा भएको जानकारी दिए । उनले भेटमा बर्माले नेपाललाई दुईटा हेलिकप्टर दिने बताएको जानकारी दिए ।
उनले भने, ‘एसपीपी पहिले चर्चासम्म चलेको हो । अहिले कसैले बढाउनुपर्छ भनेको छैन, कुनै प्रस्ताव आएको छैन ।’ प्रधानमन्त्रीले यो सरकारले राष्ट्रिय हितको प्रश्नमा कसैसँग सम्झौता नगर्ने बताए ।
प्रतिक्रिया