राष्ट्रपतिले तोके सिग्देललाई कामु प्रधानसेनापतिको जिम्मेवारी

काठमाडौं । राष्ट्रपति रामचन्द्र पौडेलले नेपाली सेनाको कामु प्रधानसेनापतिको जिम्मेवारी अशोकराज सिग्देललाई तोकेका छन् ।

राष्ट्रपति कार्यालयले प्रधानसेनापति प्रभुराम शर्माको तीन वर्षे पदावधि आउँदो भदौ २४ गते समाप्त भई अनिवार्य अवकाश पाउने र साउनको २५ गतेदेखि घर बिदामा बस्ने भएकाले ज्येष्ठताक्रममा रहेका बलाधिकृत रथी अशोकराज सिग्देललाई कामु प्रधानसेनापति तोकिएको जनाएको छ ।

मन्त्रिपरिषद्को सोमबारको बैठकले साउन २५ गतेदेखि लागू हुने गरी सिग्देललाई नेपाली सेनाको कायममुकायम प्रधानसेनापति तोक्न सिफारिस गरेको थियो । प्रधानसेनापति अवकाश हुनु एक महिनापहिले बिदामा बस्ने र बलाधिकृत रथीलाई कामु प्रधानसेनापतिको जिम्मेवारी तोक्ने प्रचलन छ ।