सुनको मूर्ति भन्दै नक्कली सामान देखाएर ३० लाख रुपैयाँ ठगी गरेको आरोपमा पाँचजना पक्राउ

काठमाडौं । सुनको मूर्ति भन्दै नक्कली सामान देखाएर ३० लाख रुपैयाँ ठगी गरेको आरोपमा प्रहरीले पाँच जनालाई पक्राउ गरेको छ । जिल्ला प्रहरी परिसर काठमाडौंको टोलीले भारतको उडिसाका ४० वर्षीय कलाकार दास र ५ जना नेपालीलाई पक्राउ गरेको छ ।

पक्राउ पर्नेमा कलाका दाससहित म्याग्दीका ६४ वर्षीय क्षेत्रबहादुर शाही, धादिङ निलकण्ठ नगरपालिकाका वर्ष ३८ का दीपक थापा, दाङका वसन्त चौधरी र काठमाडौंका रविन महर्जन छन् ।

दासले आफूसँग सुनको मूर्ति छ भन्दै प्रलोभन देखाएर ३० लाख रुपैयाँमा विक्री गरेका प्रहरीले जनाएको छ। तर नक्कली भएको पाइएपछि पीडितले प्रहरीलाई खबर गरेका थिए । प्रहरीले उनीहरुको साथबाट १४ लाख नगद र नक्कली सुनको मूर्ति बरामद गरेको छ।