सर्लाही । आफूलाई तपस्वी दाबी गर्ने रामबहादुर बम्जन बाल यौन दुराचार मुद्दामा दोषी ठहर भएका छन् । सोमबार सर्लाही जिल्ला अदालतले बम्जनलाई दोषी ठहर गरेको हो ।

जिल्ला न्यायाधीश जीवनकुमार भण्डारीको एकल इजलासले बम्जनलाई दोषी ठहर गर्दै असार १७ मा सजाय निर्धारणका लागि पेसी तोकेको छ । बम्जनमाथि सर्लाही र सिन्धुपाल्चोकलगायत विभिन्न जिल्लामा आश्रम खडा गर्ने, बलात्कार गर्ने र व्यक्ति बेपत्ता पर्ने कार्य गरेको आरोप लागेको थियो ।

उनलाई सुरुमा सर्लाही जिल्ला अदालतमा पेस गरिएको थियो । सर्लाही जिल्ला अदालतले उनलाई पुर्पक्षका लागि थुनामा पठाएको थियो । बम्जन गत पुस २४ गते काठमाडौंको बूढानीलकण्ठबाट पक्राउ परेका थिए ।