हाम्रो स्वाभिमान ट्रष्ट युकेको शुभारम्भ
काठमाडौं । आयुर्वेद शिरोमणि आचार्य बालकृष्णजी महाराजको उपस्थितिमा हाम्रो स्वाभिमान ट्रष्ट युकेको शुभारम्भ भएको छ। हाम्रो भाषा, संस्कृति र पहिचानको जगेर्ना गर्ने पवित्र लक्ष्य लिएको उक्त अभियानप्रति पतंजली योग पीठका संस्थापक योगऋषि स्वामी रामदेवको पनि शुभेच्छा रहेको छ।
बेलायतस्थित नेपाली समाजलाई एकजुट पार्न र एक आपसमा आरोप प्रत्यारोप गरेर नभई सिंगो समाजलाई समेटेर अगाडि बढ्न सफलता मिलोस्, हाम्रो स्वाभिमान ट्रष्ट युकेका अध्यक्ष समाजसेवी रोहित गुरुङसहित सम्पूर्ण टिमलाई गैरआवासीय नेपाली संघ अन्तर्राष्ट्रिय समन्वय परिषदका अध्यक्ष कुल आचार्यले शुभकामना दिएका छन् ।
