हिन्दी फिल्म प्रदर्शनमा रोक लगाउने बालेनको निर्णयविरुद्ध उच्च अदालतमा मुद्दा दर्ता
काठमाडौं । काठमाडौं महानगरपालिकाका मेयर बालेन साविरुद्ध चलचित्र हल सञ्चालकहरू उच्च अदालत पाटन पुगेका छन् । उनीहरूले बुधबार उच्च अदालतमा रिट दायर गरेका छन् ।
काठमाडौं महानगरभित्र हिन्दी चलचित्र प्रदर्शनमा रोक लगाएपछि हल सञ्चालकहरू रिट लिएर अदालत पुगेका हुन् । दक्षिण भारतीय फिल्म आदिपुरुषको जानकीसम्बन्धी विवादित संवादको विषयलाई लिएर बालेनले काठमाडौं महानगरभित्र कुनै पनि हिन्दी चलचित्र प्रदर्शन गर्न नपाइने भन्दै रोक लगाएका थिए ।
मेयरको निदेशनपछि महानगरका नगरप्रहरी चललिचत्र हलमा पुगेर हिन्दी चलचित्र प्रदर्शनमा रोक लगाएका थिए । हल सञ्चालकहरूले हिन्दी चलचित्रमाथि रोक लगाउने बालेनको निर्णय कानुनविपरीत भएको भन्दै उच्च अदालतमा रिट दायर गरेका हुन् ।
